धरानको होटलमा इटहरीका एक व्यक्ति झुण्डिएको अवस्थामा फेला

  • प्रकाशित: असार १६, २०७७ / 3,758 पटक पढिएको
  • क्लिक धरान
alt

धरान: धरानको एक होटलमा झुण्डिएको अवस्थामा एक व्यक्ति झुण्डिएर मृत अवस्थामा भेटिएको छ ।

धरान १८ स्थित वीपी कोइराला स्वास्थ्य विज्ञान प्रतिष्ठानको मुलगेट अघिको यति होटलमा इटहरीका नविन खनाल झुण्डिएको अवस्थामा भेटिएको प्रहरीले जनाएको छ । इलाका प्रहरी कार्यालय धरानका डिएसपी ज्ञानेन्द्र बस्नेतका अनुसार दिउँसो करिब ४ बजेतिर घटनाबारे प्रहरीलाई जानकारी आएको थियो । घटनाबारे अनुसन्धान भइरहेको डिएसपी बस्नेतले बताए ।

प्रहरीका अनुसार मृतक हिजो धरान आएर होटलमा बसेको खुलेको छ । मालपोत र अस्पतालमा काम छ भनेर उनी होटलमा बसेका थिए । उनको खास नाम नविन खनाल भएपनि होटलमा जीवन खनाल भनेर नाम टिपाएको खुलेको छ । ‘हिजो आएर होटलमा बसेको रहेछ । उपचार र मालपोतमा काम छ भनेका रहेछन्,’डिएसपी बस्नेतले भने,‘झुण्डिएको अवस्थामा भेटे पछि खबर आयो । प्रारम्भिक अनुसन्धानको काम भइरहेको छ ।’

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित