चाडपर्व नजिकिए पछि इटहरीमा बजार अनुगमन

  • प्रकाशित: आश्विन २५, २०७७ / 212 पटक पढिएको
  • क्लिक धरान
alt

सुनसरी: चाडपर्व नजिकिदै गएपछि इटहरीमा बजार अनुगमन शुरु भएको छ ।

आज इटहरी उपमहानगर उपभोक्ता हित संरक्षण समितिकी संयोजक उपमेयर लक्ष्मी गौतमको नेतृत्वमा इटहरी बजारमा अनुगमन भएको हो । समितिले हटिया लाइनमा सडकको दुवैतर्फ सडकक्षेत्र मिचेर राखिएका समाग्री हटाउन लगाएको छ । आज पहिलो दिन भएकोले सचेत गराइएको र पुनःसडकमा सामान राखिएको पाइए कानुन वमोजिम कारवाही गरिने उपमेयर गौतमले बताइन् ।

अनुगमनको क्रममा पसलहरुमा मुल्यसुची र बोर्ड नराखेको पाइएकोछ भने पसलको नविकरण पनि गरेको नदेखिएको समितिको भनाई छ । मूल्यवृद्धि, मिसावट, कालोवजारी रोक्न नियमितरुपमा बजार अनुगमन गरिने उपमेयर गौतमले बताइन् । आज सात वटा किराना पसल र तीन वटा मीठाई पसलको अनुगमन गरिएको उपभोक्ता हित संरक्षण शाखा प्रमुख नोवल किशोर भट्टराईले जानकारी दिए ।

 

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित