वीपीमा बेड नपाएर इर्मजेन्सीबाटै घर फर्काइएकी धरान १५ की कोरोना संक्रमित वृद्धाको मृत्यु

  • प्रकाशित: कार्तिक २, २०७७ / 1,262 पटक पढिएको
  • क्लिक धरान
alt

धरान: सास फेर्न गाह्रो भएपछि वीपी कोइराला स्वास्थ्य विज्ञान प्रतिष्ठानको इर्मजेन्सी लगिए पनि बेड छैन भनेर घर फकाईदिएकी धरानकी कोरोना संक्रमित वृद्धाको मृत्यु भएको छ ।

धरान १५ की ७३ बर्षीया वृद्धाको हिजो साँझ करिब ५ बजेतिर मृत्यु भएको वडा अध्यक्ष नरेश इवारमले जानकारी दिए । उनका अनुसार मृतक छोरीको घरमा बस्दै आएकी थिइन् । उनलाई संक्रमण पुष्टि भएपछि होम आइसोलेसनमा राखिए पनि हिजो सास फेर्न गाह्रो भएपछि प्रतिष्ठानको आकस्मिक कक्षमा लगिएको थियो । ‘इर्मजेन्सीमा लगेका रहेछन् । बेड खाली छैन भनेपछि अक्सिजन सिलिण्डर खोजेर घरमा नै ल्याएको रहेछ,’वडाअध्यक्ष इवारमले भने,‘उहाँको घरमा नै मृत्यु भयो भनेर जानकारी पाएँ ।’

अध्यक्ष इवारमका अनुसार मृतकका छोराहरु धरान ८ मा बस्छन् । तर, वृद्धा भने धरान १५ मा छोरीसँगै बस्दै आएकी थिइन् । उनलाई कोरोना संक्रमण पुष्टि भए पछि होम आइसोलेसनमा थिइन् । मृतकको शवलाई नेपाली सेनाको टोलीले प्रोटोकल अनुसार व्यवस्थापन गर्ने तयारी गरेको छ ।

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित