इटहरीमा अस्पतालको बोर्ड राखेर गैरकानुनीरुपमा चलेको पोलिक्लिनिकमा तालाबन्दी

  • प्रकाशित: कार्तिक ५, २०७७ / 484 पटक पढिएको
  • क्लिक धरान
alt

सुनसरी: इटहरी उपमहानगरपालिकाको अनुगमन टोलीले इटहरीको एक पोलिक्लिनिकमा तालाबन्दी गरेको छ ।

आज बजार अनुगमनका क्रममा विराट पाथीभरा अस्पतालको वोर्ड राखेर संचालन गरेको पोलिक्लिनिकमा तालाबन्दी गरेको हो । उपभोक्ता हित संरक्षण समिति संयोजकसमेत रहेकी उपमेयर लक्ष्मी गौतमको नेतृत्वमा गरिएको अनुगमनको क्रममा कोशी पाथीभरा पोलिक्लिनिकमा तालाबन्दी गरेको हो । दर्ता नगरि गैरकानुनी तरिकाले अस्पतालको रुपमा संचालन गरेको पाइएकाले तालावन्दी गरिएको उपमेयर गौतमले बताइन् । साथै, सो पोलिक्लिनिकबाट म्याद गुज्रिएका औषधीहरु पनि वरामद गरिएको छ ।

उपभोक्ता हित संरक्षण शाखा प्रमुख नोवल किशोर भटटराईका अनुसार आज इटहरी मेडिकल हल, शैलुङ मेडिकल हल, पञ्चकोशी हेल्थ सर्भिस सेण्टर प्रालि, कलस फार्मेसी गरि ५ वटा फार्मेसी तथा मेडिकलहरुको अनुगमन गरिएको छ । केही फार्मेसी तथा मेडिकलमा औषधी ब्यवस्था विभागमा दर्ता नगरिएका खाद्यपुरक समाग्री पनि बेच्न राखिएको पाइएको औषधी ब्यवस्था विभागका प्रतिनिधि सरोज सुवेदीले बताए ।

 

 

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित