लागुऔषध नेपाल भित्र्याइरहेका एक भारतीयसहित दुई जना पक्राउ

  • प्रकाशित: कार्तिक ५, २०७७ / 210 पटक पढिएको
  • क्लिक धरान
alt

सुनसरी: प्रहरीले कोशी गाउँपालिका १ पुरी टोलमा आकस्मिक चेक प्वाइन्ट थापेर जाँच गर्दा दुई युवा लागुऔषधसहित पक्राउ परेका छन् ।

ईलाका प्रहरी कार्यालय लौकहीको टोलीले नेपाल भारत आवतजावत गर्ने भित्रि सडकमा आकस्मिक चेक प्वाइन्ट थपेर सवारी चेकजाँच गरेको थियो । सोही क्रममा को १७ प २८१९ नम्बरको मोटरसाइकलमा सवार २ जना पक्राउ परेको हो । पक्राउ पर्नेमा मोटरसाइकल चालक कोशी गाउँपालिका ५ का २२ बर्षीय अशोक यादव र पछाडि सवार भारतको त्रिवेणी ग्रामपञ्चायकका २२ बर्षीय सन्तोष कुमार यादव रहेका छन् ।

प्रहरीले दुवैले बोरामा लागुऔषध बोकेको वरामद भएको जनाएको छ । जिल्ला प्रहरी कार्यालय सुनसरीका अनुसार उनीहरुको साथबाट डाइलक्स डिसि १०० एमएल लेखिएको ३५ बोतल वरामद भएको छ । यस्तै, स्पास्मो प्रोक्सिभन प्लस १०८० क्याप्सुल पनि वरामद भएको छ । उनीहरुलाई लागुऔषध नियन्त्रण ऐन २०३३ वमोजिम कानुनी कारबाही प्रक्रिया अघि बढाइएको प्रहरीले जनाएको छ ।

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित