धरानमा ८८ प्रतिशत कोरोना संक्रमित निको भए कुल ३३०१ संक्रमित मध्ये २९०६ कोरोना मुक्त भएको स्वास्थ्य महशाखाको तथ्यांक

  • प्रकाशित: मंसिर ८, २०७७ / 511 पटक पढिएको
  • क्लिक धरान
alt

धरान: धरानमा कोरोना संक्रमितहरु भएकाहरु हालसम्म ८८ प्रतिशत निको भइसकेका छन् ।

हालसम्म धरानमा ३३०१ जना कोरोना संक्रमित भएको तथ्यांक उपमहानगरपालिकाको स्वास्थ्य महशाखामा छ । यो हिजो साँझ पोजेटिभ रिपोर्ट आएका १७ जना सहितको तथ्यांक हो । ती मध्ये हालसम्म २९०६ जना होम आइसोलेसन र अस्पतालबाट निको भएर डिस्चार्ज भएको रेकर्ड छ । यो ८८.०३ प्रतिशत हो । ‘अहिलेसम्म डिस्चार्ज हुनेको प्रतिशत ८८.०३ प्रतिशत पुगेको छ,’स्वास्थ्य महशाखा प्रमुख उमेश मेहताले भने ।

महाशाखाका अनुसार हाल होम आइसोलेशनमा ३३० जना छन् । धरानमा मृत्यु हुने कोरोना संक्रमितको संख्या ६८ पुगेको छ । उमेर समुहको हिसाबले सबैभन्दा धेरै २१ देखि ४० बर्षका संक्रमितहरु छन् । यो उमेर समुहको संख्या १७०७ जना छ । उपमहानगरपालिकाले समुदायस्तरमा गत साउन १९ यता स्वाब संकलन गर्न थालेको थियो । हिजोसम्म ६ हजार १ सय ७६ जनाको स्वाब संकलन भइसकेको पनि मेहताले जानकारी दिए ।

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2021 - क्लिक धरान - सर्वाधिकार सुरक्षित