झापा: झापाको अर्जुनधारा नगरपालिका १ सालवारीमा मोटरसाइकलको ठक्करबाट गम्भीर घाइते भएका एक व्यक्तिको उपचारको क्रममा मृत्यु भएको छ ।

बिहिवार राती १० बजेको समयमा पुर्वबाट पश्चिमतर्फ जाँदै गरेको मे ११ प ६२५२ नम्बरको मोटरसाईकलले बाटो छेउमा बसिरहेका स्थानीय ३३ बर्षीय ललित चौधरीलाई ठक्कर दिएको थियो । ठक्करबाट घाइते भएका चौधरीलाई उपचारको लागि विर्तामोडस्थित बि एण्ड सि अस्पताल लगिएको थियो । उनको उपचारको क्रममा राती पौने ११ बजे मृत्यु भएको ईलाका प्रहरी कार्यालय अनारमनीले जनाएको छ ।