सुनसरी: सुनसरीको इटहरी ६ बाट हराएको मोटरसाइकल चोरीमा संलग्न २ जना मोटरसाइकलसहित पक्राउ परेका छन् ।

प्रदेश १-०५-००१ प ०२०७ नम्बरको मोटरसाईकल मंसिर २८ गते इटहरी ६ स्थित बर्गर हाउस पार्किंगस्थलबाट हराएको थियो । उक्त मोटरसाइकल प्रहरी टोलीले मंगलवार राती ८ बजे ईटहरी ९ मा नम्बर प्लेट परिवर्तन गरेर कुदाईरहेको अवस्थामा फेला परेको जनाएको छ। पक्राउ पर्नेहरुमा झापाको डाँगिवारीका १९ बर्षीय करण भनिने नगेन्द्र चौधरी र गौरादहका २१ बर्षीय बिजय चौधरी रहेका छन् । उनीहरुबारे थप अनुसन्धान भईरहेको ईलाका प्रहरी कार्यालय ईटहरीले जनाएको छ ।