_1704867435.jpeg)
मोरङ: मोरङको दुई स्थानबाट लागुऔषध खैरो हेरोईनसहित ३ जना पक्राउ परेका छन् ।
पक्राउ पर्नेमा भारत बिहार अररिया जोगबनी ९ का ३२ बर्षीय सुरजेश कुमार राय र सोही स्थानका १३ बर्षीय मो.आशिक मिया रहेका छन् । बिशेष सुराकका आधारमा लागुऔषध नियन्त्रण ब्युरो बिराटनगरबाट खटिएको प्रहरी टोलीले उनीहरुलाई बुधबार साँझ सवा ५ बजे बिराटनगर १६ स्थित दरैयाबाट नियन्त्रणमा लिईएको जिल्ला प्रहरी कार्यालय मोरङले जनाएको छ । उनीहरुको साथबाट ५ ग्राम खैरो हिरोईन फेला पारेको प्रहरीले जनाएको छ ।
यस्तै, बिराटनगर १७ का २७ बर्षीय लद्दीफुल मिया १३ ग्राम खैरो हिरोईन सहित पक्राउ परेका छन् । उनलाई बुधबार अपरान्ह ५ बजे बिराटनगर(७ शनिमन्दिर एरियाबाट पक्राउ गरिएको हो । खैरो हेरोईन सहित पक्राउ परेका तिनै जना बारे जिल्ला प्रहरी कार्यालय मोरङले थप अनुसन्धान तथा कानुनी कारबाही अगाडी बढाईएको जनाएको छ ।
