विराटनगर: मोरङको विराटनगरमा कारमा सवार दुई व्यक्ति लागुऔषधसहित पक्राउ परेका छन् ।

पक्राउ पर्नेमा कार चालक इटहरी उपमहानगरपािलका २ बरगछाीका ३२ बर्षीय अमित लिम्बु र सवार २७ बर्षीय हेमराज बस्नेत रहेका छन् । उनीहरुलाई हिजो दिउँसो बा २ च ६१११ नम्बरको कारमा सवार रहेको अवस्थामा पक्राउ गरेको हो । लागुऔषध ब्युरो विराटनगरको टोलीले कार चेकजाँच गर्ने क्रममा मोविलको गिलेनमा डाईलेक्स डिसि जस्तो देखिने तरल पदार्थ १ गिलेन फेला परेको थियो भने कार चालक लिम्बुको साथबाट नाइट्रोभेट १० लेखिएको २४ ट्याब्लेट र स्पास्मोप्रोक्सिभन ८ चक्की फेला परेको प्रहरीले जनाएको छ । लिम्बु र बस्नेत दुवैलाई नियन्त्रणमा लिएर इलाका प्रहरी कार्यालय रानीले थप अनुसन्धान गरिरहेको जानकारी दिएको छ ।