सुनसरी: छुरा प्रहार गरेर नगद र मोवाइल लुटपाट गरी फरार भएका दुई व्यक्तिलाई प्रहरीले पक्राउ गरेको छ ।

पक्राउ पर्नेमा सुनसरीको देवानगञ्ज गाउँपालिका घर भई इनरुवा नगरपालिका १ बस्ने २ बर्षीय गजेन्द्रप्रसाद ठाकुर र सप्तरी महादेवा गाउँपालिका घर भई इनरुवा बस्दै आएका २१ बर्षीय मुकेश मण्डल रहेका छन् । उनीहरुलाई जिल्ला प्रहरी कार्यालय सुनसरीको बिशेष टोलील पक्राउ गरेको हो । दुवैले ४ दिनअघि बिहान करिब साढे ६ बजे इनरुवा वडा नं ९ मा छुरा प्रहरी गरि लुटपाट गरेका थिए । प्रहरीका अनुसार इनरुवा नगरपालिका २ का अजय पण्डितलाई छुरा प्रहार गरी नगद तथा मोवाइल लुटपाट गरेका थिए ।