_1704867435.jpeg)
बिराटनगर: झापा र उदयपुरमा हिजो मंगलवार भएको सवारी दुर्घटनामा परी ३ जनाको मृत्यु भएको छ । मृत्यु हुनेमा २ जना सुनसरीका छन् भने एक जना उदयपुरका छन् ।
झापाको शिवसताक्षी नगरपालिका ८ झिलझिलेमा पुर्वबाट पश्चिततर्फ जाँदै गरेको को १ ख ६०९८ नम्बरको बसले बिपरीत दिशाबाट आउँदै गरेको प्रदेश १-०२-०४३ प ९२१८ नम्बरको मोटरसाईकललाई ठक्कर दिंदा २ जनाको मृत्यु भएको थियो । प्रहरीका अनुसार मोटरसाईकलमा सवार सुनसरी महेन्द्रनगरका ३१ बर्षीय ज्ञानेन्द्र तामाङ र ईटहरीकी २८ बर्षीया सलिना राईको मृत्यु भएको हो । मोटरसाईकललाई ठक्कर दिने बस तथा चालकलाई ईलाका प्रहरी कार्यालय झिलझिलेले नियन्त्रणमा लिई थप अनुसन्धान भईरहेको छ ।
यसैगरी, उदयपुरको रौतामाई गाउँपालिका १ मा ट्याक्टर दुर्घटना हुँदा चालक त्रियुगा नगरपालिका ७ का २० बर्षीय केशव बिकको मृत्यु भएको छ । गाइघाटबाट नामेटारतर्फ जाँदै गरेको प्रदेश २-०२-०१-०००१ त १०१७ नम्बरको ट्याक्टर अनियन्त्रीत भई दुर्घटना हुँदा चालकको घटनास्थलमै मृत्यु भएको जिल्ला प्रहरी कार्यालय उदयपुरले जनाएको छ ।
