_1704867435.jpeg)
धरान: उदयपुर जेसीजको आयोजनामा शनिबार उद्घोषण तालिम सम्पन्न भएको छ ।
होटल टाउन हल एण्ड पार्टी प्यालेसमा आयोजित तालिम उदयपुर जेसीज बर्ष २०२१ मा नयाँ प्रवेश गरेका सदस्यहरुलाई लक्षित गरि संचालन गरिएको थियो । उदयपुर जेसीज बर्ष २०२१ का अध्यक्ष सर्मिला थापाको अध्यक्षतामा भएको थियो । बर्ष २०२१ का कार्यकारिणी उपाध्यक्ष ईश्वरमान राईको संयोजनमा तालिम भएको थियो । सो तालिम बर्ष २०२१ को तालिम संयोजक मिथुन ठाकुरले सहजीकरण गरेका थिए ।
तालिममा नयाँ सदस्यहरुले कसरी आफू अरुको अगाडी उभिएर आफ्नो प्रस्तुती दिने, कसरी उद्घोषण गर्ने, के के कुराहरु बिचार गर्ने, के के कुराहरुमा सजग रहने जस्ता कुराहरु सिकाईएको थियो । भविष्यमा कसरी लिडर बन्ने भन्ने बिषयमा पनि छ्लफल गरिएको आयोजकले जनाएको छ । उक्त तालिमले नयाँ सदस्यहरुलाई उर्जा मिलेको प्रतिक्रिया दिएका छन् । कार्यक्रममा नयाँ सदस्यहरुसँगै उदयपुर जेसीज बर्ष २०२१ को बोर्ड मेम्बरहरुको पनि उपस्थिती रहेको थियो । तालिमको समापनमा प्रशिक्षक ठाकुरलाई अध्यक्ष थापाले मायाको चिनो प्रदान गरेकी थिइन् ।
