_1704867435.jpeg)
झापा: झापाको दमक ३ स्थित भुटानी शरणार्थी शिविरबाट ब्राउनसुगरसहित एक जना पक्राउ परेका छन् ।
पक्राउ पर्नेमा ईलाम चुलाचुली ३ का ३८ बर्षीय यम बहादुर थाम्सुहाङ रहेका छन् । उनले शिविर भित्र ब्राउनसुगर बेचबिखन गर्ने गरेको विशेष सुराकको आधारमा पक्राउ गरिएको प्रहरीले जनाएको छ । प्रहरी टोलीले उनलाई १ ग्राम ८५० मिलिग्राम ब्राउनसुगर र नगद १९ हजार २५ रुपैयासहित पक्राउ गरेको ईलाका प्रहरी कार्यालय दमकले जनाएको छ ।
यसैगरी, दमक प्रहरीले नै दमक ५ अनाम टोलबाट ब्राउनसुगरसहित एक जनालाई पक्राउ गरेको छ । पक्राउ पर्नेमा दमक १ का २६ बर्षीय गगन लिम्वु योङया रहेका छन् । उनलाई ३ ग्राम ब्राउनसुगर सहित पक्राउ गरिएको दमक प्रहरीले जनाएको छ । ब्राउनसुगर सहित पक्राउ परेका दुबै जनालाई थप अनुसन्धान तथा कानुनी कारबाही अघि बढाइएको प्रहरीले जानकारी दिएको छ।
