_1704867435.jpeg)
धरान: धरान वितरण केन्द्र अन्तर्गत धरान उपहानगरपालिका र बराहक्षेत्र नगरपालिकाको केही क्षेत्रमा आज दिनभर जसो विद्युत लाइन अवरुद्ध हुने भएको छ ।
विद्युत प्राधिकरणको धरान वितरण केन्द्रका अनुसार बिहान ८ बजेदेखि अपराह्न ४ बजेसम्म लाइन अवरुद्ध हुनेछ । कोशी राजमार्गको जोगवनी किमाथांका सडकअन्तर्गत तरहरा क्षेत्रमा सडकको पोलहरु सार्नुपर्ने भएकोले आज शनिबार दिनभर लाइन अवरुद्ध हुने केन्द्रले जनाएको छ । केन्द्रका प्रमुख प्रताप वरालका अनुसार काम छिटै सम्पन्न भएमा अपराह्न ४ बजेभन्दा अघि नै लाइन आउन पनि सक्छ । ‘अपराह्न ४ बजेसम्म लाइन अवरुद्ध हुने नोटिस निकालेका छौं । रानी किमाथांका सडक विस्तारको क्रममा सडकको पोल सार्नको लागि हो, तार पनि अपग्रेड भइरहेको छ,’केन्द्र प्रमुख वरालले भने,‘चाडै काम सकियो भने लाइन चाडै आउछ । ’
