_1704867435.jpeg)
धरान: कोशी राजमार्गको धरान इटहरी सडकखण्डस्थित इटहरी २ पिपलचोकमा मोटरसाइकल दुर्घटना हुँदा २ जनाको मृत्यु भएको छ ।
हिजो दिउँसो करिब ३ बजेतिर भएको दुर्घटनामा मृत्यु हुने बुबा छोरा हुन् । प्रहरीका अनुसार मोटरसाइकल चालक उदयपुर रुपाटार २ घर भई हाल इटहरी ८ बस्ने ५० बर्षीय नरजंग मल्ल र उनका बुबा ८२ बर्षीय कुबेरबहादुर मल्ल रहेका छन् । धरानबाट ईटहरीतर्फ जादै गरेको प्र. १-०१-०४४ प १ २५६ नम्बरको मोटरसाइकल आफै अनियन्त्रित भई दुर्घटना भएको इटहरीस्थित प्रदेश ट्राफिक प्रहरी कार्यालयले जनाएको छ ।
दुर्घटनामा बाबु छोरा दुबै गम्भिर घाईते भएका थिए । उनीहरुलाई उपचारको लागि वीपी कोइराला स्वास्थ्य विज्ञान प्रतिष्ठान धरानमा ल्याइएको थियो । दुवैको उपचारको क्रममा सवा ३ बजेतिर मृत्यु भएको प्रदेश ट्राफिक प्रहरी कार्यालयको भनाई छ । तीब्र गतिको कारण उक्त दुर्घटना भएको प्रहरीको भनाई छ ।
