तेह्रथुम: तेह्रथुमको लालिगुराँस नगरपालिका ३ मुसाङखेलका एक व्यक्ति श्रीमती हत्याको आरोपमा पक्राउ परेका छन् ।

स्थनीय ४३ बर्षीय नर बहादुर लिम्बु आफ्नै श्रीमती हत्याको आरोपमा पक्राउ परेका हुन् । आज बिहान ११ बजे उनले घरायसी विवाद हुँदा ४७ बर्षीया श्रीमती मईतरानी लिम्बुलाई बन्चरोले प्रहार गरी हत्या गरेका थिए । घटनाबारे जानकारी पाएलगत्तै जिल्ला प्रहरी कार्यालय तेह्रथुमबाट प्रहरी टोली खटिएर गएको थियो । उक्त प्रहरी टोलीले नै लिम्बुलाई पक्राउ गरेको हो । घटनाबारे थप अनुसन्धान गरिरहेको प्रहरीले जनाएको छ।