धरान: प्रहरीले धरानमा डेरा लिएर गाँजाको कारोबार गर्ने एक युवालाई पक्राउ गरेको छ ।

पक्राउ पर्नेमा भोजपुरको हतुवागढी गाउँपालिका ६ घर भई हाल धरान उपमहानगरपालिका १३ मा डेरा लिएर बस्ने ३४ बर्षीय गुमान राई छन् । उनलाई प्रहरीले सवा २ केजी गाँजासहित पक्राउ गरेको हो । ईलाका प्रहरी कार्यालय धरानका अनुसार राईले आफ्नै कोठामा गाँजा भण्डारण गरी बेचबिखन गर्ने गरेको थिए । बिशेष सूचनाको आधारमा छापा मारेको धरान प्रहरीले राईलाई २ केजी २७० ग्राम गाँजा सहित पक्राउ गरेको जनाएको छ ।