_1704867435.jpeg)
धरान: आइतबार राती धरानमा छुरा प्रहार गरि घाइते बनाएर फरार भएका एक आरोपी पक्राउ परेका छन् ।
मोरङ पथरी शनिश्चरे नगरपालिका ६ घर भएपनि धरान १५ बस्दै आएका २३ बर्षीय ईश्वर परियार पक्राउ परेका हुन् । उनले आइतबार राती करिब ८ बजेर ४० मिनेटमा धरान १५ का कैलाश मरिकलाई छुरा प्रहार गरेका थिए । छुरा प्रहार गरेर फरार भएका परियारलाई ईलाका प्रहरी कार्यालय धरानले हिजो पक्राउ गरेको थियो ।
उनलाई आज सुनसरी जिल्ला अदालतबाट म्याद थप गरि प्रहरीले सार्वजनिक गरेको हो । घाइते मरिकलाई घटनालगत्तै वीपी कोइराला स्वास्थ्य विज्ञान प्रतिष्ठानमा उपचारार्थ भर्ना गरिएको थियो । उनको अवस्था गम्भीर भएकोले थप उपचारको लागि मनमोहन सामुदायिक अस्पताल काठमाण्डौं पठाइएको प्रहरीले जनाएको छ ।
