_1704867435.jpeg)
धरान: धरानको वडा नं ९ स्थित बगैचालाइनमा आगलागी भएको छ ।
बगैचा लाइन नजिक चर्चलाइनस्थित पुरुषोत्तम सुवेदीको घरमा आज बहिन करिब साढे १० बजे आगलागी भएको नगर प्रहरीले जनाएको छ । नगर प्रहरीका असई दिपेश बाँनियाका अनुसार घरको माथिल्लो तलामा ग्रिलको वेल्डिंग भइरहेको बेला भुईतलामा राखिएको परालमा आगलागी भएको हो । वेल्डिंगको झिल्को परालमा सल्किएर आगलागी भएपनि समयमा नै दमकल, प्रहरी, नगर प्रहरी पुगेर नियन्त्रणमा लिइएकोले ठुलो क्षति नभएको बाँनियाले जानकारी दिए ।
घरधनी सुवेदीले गाईपालन गरेका छन् । गाईलाई खुवाउनको लागि उनले घरको भुईतलामा नै पराल स्टक गरेर राखेका थिए । सोही परालमा वेल्डिंगको झिल्को सल्किएर आगो लागेको थियो । 'पराल मात्र जल्यो, समयमा नै दमकल पुगेर र हामी, नेपाल प्रहरीले नियन्त्रणमा लियौं,'बाँनियाले भने ।
