_1704867435.jpeg)
धरान: करिब तीन महिनाअघि धरानमा छुरा प्रहार गरि फरार रहेका एक युवा पक्राउ परेका छन् ।
धरान उपमहानगरपालिका वडा नं ५ देउराली किसान चोकका २४ बर्षीय तेज बहादुर भन्ने तेञ्जिङ तामाङलाई प्रहरीले पक्राउ गरेको हो । ईलाका प्रहरी कार्यालय धरानका अनुसार तामाङले गत कार्तिक २८ गते साँझ धरान १५ स्थित सेउती खोला बगरमा छुरा प्रहर गरेका थिए । उनले छुरा प्रहार गर्दा धरान १५ का २२ बर्षीय विष्णु बेघा गम्भीर घाइते भएका थिए ।
उक्त घटना पछि फरार रहेका तामाङलाई मंगलबार पक्राउ गरिएको धरानका डिएसपी ज्ञानेन्द्र बस्नेतले जानकारी दिए । उनले भने,‘घटना पछि फरार रहेका तामाङको खोजी भइरहेकै थियो । उनलाई पक्राउ गरेर जिल्ला अदालतबाट ज्यान मार्ने उद्योग कसुरमा म्याद थप गरेर अनुसन्धान भइरहेको छ ।’
