सुनसरी: सुनसरीको ईटहरी उपमहानगरपालिका १७ पकली चोकमा हिजो बुधवार दिउँसो ट्रकले मोटरसाईकललाई ठक्कर दिंदा १ जनाको मृत्यु भएको छ ।

पुर्व पश्चिम राजमार्गमा पुर्वबाट पश्चिमतर्फ जाँदै गरेको को ३८ प ५७५५ नम्बरको मोटरसाईकललाई बिपरीत दिशाबाट जाँदै को १ क ३४११ नम्बरको ट्रकले ठक्कर दिंएको थियो । ठक्करबाट घाईते भएका मोटरसाईकल चालक बेलका नगरपालिका ९ उदयपुरका ५४ बर्षीय राजेन्द्र साहको वीपी कोईराला स्वास्थ्य बिज्ञान प्रतिष्ठान धरानमा उपचारको क्रममा मृत्यु भएको जिल्ला प्रहरी कार्यालय सुनसरी जनाएको छ । घटनाबारे प्रहरीले थप अनुसन्धान गरिरहेको छ ।