_1704867435.jpeg)
धरान: प्रहरीले मोरङको विराटनगरबाट ४ किलो गाँजासहित २ जनालाई पक्राउ गरेको छ ।
आज बिहानै विराटनगर वडा नं १५ हुलास मेटल क्षेत्रमा खटिएको मोरङ प्रहरीको क्युआरटिले भारततर्फ जादै गरेको को २ ह ७२४१ नम्बरको अटोबाट गाँजा वरामद गरेको हो । मोरङ प्रहरीका डिएसपी एवं प्रवक्ता लोकदर्शन थापाका अनुसार गाँजासहित अतटो चालक सुनसरीको इटहरी उपमहानगरपालिका वडा न. ४ का ४१ बर्षीय पदमबहादुर राई र इटहरीकै ५२ बर्षीय तेजबहादुर राई पक्राउ परेका छन् ।
अटोलाई शंका लागेर चेकजाँच गर्दा वियरको कार्टुनमा लुकाएर भारत तर्फ लैजादै गरेको ४ किलो गाँजा वरामद भएको थियो । अटोसहित दुवैलाई नियन्त्रणमा लिएर लागुऔषध कसुरमा थप अनुसन्धान कार्य भरहेको मोरङ प्रहरीले जानकारी दिएको छ ।
