झापा: झापा भद्रपुर २ स्थित कमलधापमा जंगली हात्तीको आक्रमणबाट एक महिलाको मृत्यु भएको छ ।

स्थानीय ५० बर्षीया सीता दाहालको आज दिउँसो १ बजे जंगली हात्तीको आक्रमणबाट मृत्यु भएको हो । सोही स्थानमा रहेको जंगलमा साथीहरुसंग घाँस काट्न गएकी दाहाललाई एक्कासी जंगली हात्ती आएर आक्रमण गरेको थियो । हात्तीको आक्रमणबाट उनी गम्भीर घाइते भएकी थिइन् । घाईते भएकी दाहाललाई उपचारार्थ अस्पताल लैजादै गर्दा उनको बाटोमै मृत्यु भएको जिल्ला प्रहरी कार्यालय झापाले जनाएको छ ।