_1704867435.jpeg)
सुनसरी: मोटरसाइकल चोरी गरेर घरमा लुकाई राखेको अवस्थामा एक व्यक्ति पक्राउ परेका छन् ।
पक्राउ पर्नेमा मोरङ सुन्दरहरैचा ६ आछामे चोकमा १९ बर्षीय संयोजक महरा रहेका छन् । उनी गत माघ ४ गते सुनसरीको इटहरी ४ आइतबारे चोक नजिक सडकमा पार्किङ गरिराखेको मोटरसाइकल चोरीको आरोपमा समातिएका हुन् । जिल्ला प्रहरी कार्यालय सुनसरीका अनुसार उनले इटहरी २ का तेजकुमार आलेको नाममा दर्ता भएको लु.६८ प १३३० नम्बरको पल्सर मोटरसाइकल चोरी गरेका थिए ।
चोरीको मोटरसाइकल खोज तलास तथा संलग्न व्यक्तिहरुको पहिचान गर्ने क्रममा प्रहरीले धरान इटहरी सण्डखण्डको मोभिरा ओभरसिज अगाडिबाट हिजो महरालाई पक्राउ गरेको प्रहरीले जनाएको छ । उनलाई नियन्त्रणमा लिएर सोधपुछ गर्दा मोटरसाइकल घरमा रहेको वयान दिएका थिए । चोरीको उक्त मोटरसाइकल घरमा लुकाई राखेको अवस्थामा फेला परेको र उनलाई चोरी मुद्दामा जिल्ला अदालतबाट म्याद थप गरि अनुसन्धान भइरहेको प्रहरीले जनाएको छ ।
