_1704867435.jpeg)
धरान: कोशी राजमार्गअन्तर्गत धरान इटहरी सडकखण्डमा पर्ने चारकोशे जंगलमा कार दुर्घटनाग्रस्त भएको छ ।
इटहरीबाट धरान आउदै गरेको को १ च ७५५३ नम्बरको कार आफै अनियन्त्रित भएर दुर्घटना हुँदा २ जना घाइते भएका छन् । घाइते हुनेमा कार चालक धरान २ का ५७ बर्षीय कृष्ण अग्रवाल र उनकी बहिनी ५४ बर्षीया बबिता अग्रवाल रहेको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए । उनका अनुसार कार आफै अनियन्त्रित भएर सडकबाट ड्रेनमा खसेको थियो ।
दुर्घटनामा चालक अग्रवालको एउटा खुट्टा भाँचिएको आशंका गरिएको छ । बहिनीलाई पनि अनुहार र खुट्टामा चोट लागेको छ । दुवैको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको डिएसपी बस्नेतले जानकारी दिए । गाडी गहिरो ड्रेनमा खसेको हुनाले तत्काल उठान नसकिएको र दुर्घटनास्थलमा नै रहेको धरानस्थित जिल्ला ट्राफिक प्रहरी कार्यालयले जनाएको छ । दुर्घटना दिउँसो करिब साढे ३ बजे तिरको हो ।
