_1704867435.jpeg)
सुनसरी: सुनसरी बराहक्षेत्र नगरपालिका ५ का २५ बर्षीय डिगन गुरुङको बोलेरो गाडीको ठक्करबाट मृत्यु भएको छ ।
गए राती पौने १२ बजे बराहक्षेत्र नगरपालिका ५ भरोलमा दक्षिणतर्फ जाँदै गरेको को १ ज ३७६१ नम्बरको बोलेरो गाडीले ना ३९ प ५०७६ नम्बरको विपरीत दिशाबाट आउदै गरेको मोटरसाईकललाई ठक्कर दिएको थियो । उक्त दुर्घटनामा मोटसाईकलमा सवार स्थानीय २६ वर्षीय कृष्ण कुमार राजधामी र २५ बर्षीय डिगन गुरुङ गम्भिर घाईते भएका थिए ।
घाईते मध्ये डिगन गुरुङको वीपी कोइराला स्वास्थ्य विज्ञान प्रतिष्ठन धरानमा उपचारको क्रममा राती पौने १ बजे मृत्यु भएको प्रहरीले जनाएको छ । घइते कृष्ण राजधामीको प्रतिष्ठनमा उपचार भईरहेको ईलाका प्रहरी कार्यालय महेन्द्रनगर सुनसरीले जनाएको छ । ठक्कर दिने बोलेरो र चालक उदयपुर चौदण्डी नगरपालिका बस्ने उदेश राई प्रहरीको नियन्त्रणमा रहेको उक्त कार्यालयले जनाएको छ ।
