_1704867435.jpeg)
सुनसरी: कोशी लोकमार्गस्थित ईटहरी १२ मा भारतीय ट्रकले साइकललाई ठक्कर दिदा एक जनाको मृत्यु भएको छ ।
१ नम्बर प्रदेश ट्राफिक प्रहरी कार्यालयका अनुसार शुक्रबार पौने ७ बजेतिर दक्षिणबाट उत्तर तर्फ आउदै गरेको नम्बरको ट्रकले सोही दिशातर्फ जादै गरेको साईकललाई ठक्कर दिएको थियो । ट्रकको ठक्करबाट साइकल यात्री मोरङ उर्लाबारी १ का ४१ बर्षीय मनोज खनाल गम्भीर घाइते भएका थिए । उनलाई उपचारको लागी वीपी कोइराला स्वास्थ्य विज्ञान प्रतिष्ठान पठाइएको थियो । उनको उपचारको क्रममा राती ८ बजेर २० मिनेटमा मृत्यु भएको प्रहरीले जनाएको छ । ठक्कर दिने ट्रक प्रहरी नियन्त्रणमा छ । साथै, ट्रक चालक भारतका भोगेन्द्र दासलाई पनि ईलाका प्रहरी कार्यालय ईटहरीले नियन्त्रणमा लिएको छ ।
