झापा: झापाको मेचीनगर नगरपालिका ८ का ३० बर्षीय लिप्सु राजबंशी ब्राउनसुगर सहित पक्राउ परेका छन् ।

उनलाई शुक्रबार दिउँसो साढे ३ बजे लागुऔषध नियन्त्रण ब्युरो काँकडभिट्टाबाट खटिएको प्रहरी टोलीले पक्राउ गरेको हो । झापाको मेचिनगर नगरपालि ८ बाट मोटरसाईकलमा सवार राजबंशीलाई चेकजाँच गर्दा ब्राउन सुगर वरामद भएको प्रहरीले जनाएको छ । उनको साथबाट १५ ग्राम ब्राउन सुगर वरामद भएको छ । साथै, तौल गर्ने डिजिटल तराजु थान १ र मोटरसाईकल पनि नियन्त्रणमा लिएको ईलाका प्रहरी कार्यालय काँकडभिट्टाले जनाएको छ ।

त्यस्तै प्रहरी चौकी चारआली झापाबाट खटिएको प्रहरी टोलीले मेचिनगर नगरपालिका ११ हडिया खोलामा शुक्रबार साँझ ६ बजे चेकजाँचको क्रममा एक जनालाई ब्राउन सुगरसहित पक्राउ गरेको छ । प्रहरीका अनुसार स्थानीय ३४ बर्षीय सन्जु कुमार कामी ब्राउनसुगर ३५० मिलिग्राम सहित पक्राउ परेको ईलाका प्रहरी कार्यालय धुलाबारी झापाले जनाएको छ।