_1704867435.jpeg)
विराटनगर: भोजपुर र मोरङ जिल्लामा भएको दुर्घटनामा दुई जनाको ज्यान गएको छ ।
१ नम्बर प्रदेश प्रहरी कार्यालय विराटनगरका अनुसार भोजपुर रामप्रसाद राई गाउँपालिका ५ का १८ बर्षीय सहचालक प्रदिप तामाङको ट्याक्टर दुर्घटनामा मृत्यु भएको हो। आज बिहान पौने ७ बजे को २ त ३६६९ नम्बरको ट्याक्टर रोडबाट अन्दाजी ४० मिटर तल खसेको थियो । उक्त दुर्घटनामा सहचालक प्रदिप घाईते भएका थिए । घाईते प्रदिपको स्वास्थ्य चौकी मानेभन्ज्याङमा उपचारको क्रममा बिहान सवा ८ बजे मृत्यु भएको जिल्ला प्रहरी कार्यालय भोजपुरले जनाएको छ । ट्याक्टर चालक सन्जिब खड्का प्रहरीको नियन्त्रणमा रहेको उक्त कार्यालयले जनाएको छ ।
यसैगरि, मोरङको सुन्दरहरैँचा नगरपालिका ३ का २० बर्षीय अजित चौधरीको मोटरसाईकल दुर्घटनाबाट मृत्यु भएको छ । हिजो बुधबार राती ९ बजे प्र१(०२(०४२प६३९२ नम्बरको मोटरसाईकल आफै अनियन्त्रित भई दुर्घटना हुँदा उनी गम्भीर घाइते भएका थिए । उनी मोटरसाईकलको पछाडी सवार थिए । घाईते अजितको नोवेल अस्पताल विराटनगरमा उपचारको क्रममा आज बिहान ५ बजे मृत्यु भएको जिल्ला प्रहरी कार्यालय मोरङले जनाएको छ । मोटरसाईकल चालक ३१ बर्षीय देव कुमार चौधरी प्रहरीको नियन्त्रणमा रहेको उक्त कार्यालयले जनाएको छ ।
