_1704867435.jpeg)
धरान: धरान उपमहानगरपालिका वडा नं ५ मा सञ्चालनमा रहेको एक खाजा तथा हुक्का हाउसबाट गाँजासहित २ जना पक्राउ परेका छन् ।
ईलाका प्रहरी कार्यालय धरानका अनुसार वडा नं ५ देवीगाउँस्थित देवकला खाजा एण्ड हुक्का हाउसबाट २ जना गाँजासहित पक्राउ परेका हुन् । पक्राउ पर्नेमा भोजपुरका हतुवागढी गाउँपालिका ९ का २४ बर्षीय आकाश खड्का र ३१ बर्षीय टिकाराम कार्की रहेका छन् । उनीहरुलाई शंका लागेर चेकजाँच गर्दा लुकाएर राखेको १ किलो २ सय ग्राम गाँजा फेला परेको डिएसपी ज्ञानेन्द्र बस्नेतले जानकारी दिए । उनीहरुलाई हिजो दिउँसो १ बजे पक्राउ गरिएको उनले बताए । पक्राउ परेका दुवैलाई जिल्ला अदालतबाट लागुऔषध शिर्षकमा म्याद थप गरि अनुसन्धान भइरहेको प्रहरीले जनाएको छ ।
