विराटनगर: ल्यापटप चोरी गर्ने एक जनालाई प्रहरीले विराटनगरबाट पक्राउ गरेको छ।

पक्राउ पर्नेमा विराटनगर महानगरपालिका ४ खार्जीका २३ बर्षीय अमिसजंग बस्नेत रहेका छन् । जिल्ला प्रहरी कार्यालय मोरंगका अनुसार उनलाई हिजो मंगलबार दिउँसो करिब ५ बजेतिर विराटनगर ९ ट्राफिक चोक नजिकबाट पक्राउ रिएको हो । उनले फागुन १ गते साँझ करिब ७ बजे विराटनगर ४ ढाटमा डेरा गरि बस्ने २२ बर्षीय रमेश कुमार यादवको ल्यापटप चोरी गरेका थिए । प्रहरीले अनुसन्धान पश्चात उनलाई चोरी भएको ल्यापटपसहित पक्राउ गर्न सफल भएको र चोरी कसुरमा अनुसन्धान कार्य भइरहेको जनाएको छ ।