_1704867435.jpeg)
मोरङ: बुधबार दिउँसो उदयपुरमा २ जना र मोरङ १ जना लागुऔषधसहित पक्राउ परेका छन् ।
उदयपुर त्रियुगा ३ भुल्केका ३७ बर्षीय सहिद मियाँलाई नाइट्राजिपाम १५१ ट्याब्लेट, स्पास्मो प्रोक्सिभन ८० ट्याब्लेट, डाईलेक्स डिसी ६ बोतल, नोफिन १५ एम्पुल, डाईजेपाम १७ एम्पुल, फेनारगन १२ एम्पुल सहित पक्राउ गरिएको प्रहरीले जनाएको छ । यस्तै, उदयपुर बेलका ७ का ४० बर्षीय हस्त बहादुर राईलाई ६९० ग्राम गाँजासहित पक्राउ गरिएको जिल्ला प्रहरी कार्यालय उदयपुरले जनाएको छ ।
यता, मोरङमा पनि विराटनगर १६ हुलास चौकबाट लागुऔषध नियन्त्रण ब्युरो विराटनगरको प्रहरी टोलीले लेटाङ ५ का २४ बर्षीय प्रदिप राईलाई लागुऔषधसहित पक्राउ गरेको छ । उनको साथबाट एभिल १० एम्पुल, लुपिजेसिक १० एम्पुल, डाईजोलयाप १० एम्पुल र फेनारगन ९ एम्पुल वरामद गरिएको ईलाका प्रहरी कार्यालय रानीले जनाएको छ । पक्राउ परेकाहरुबारे थप अनुसान्धान भईरहेको सो कार्यालयले जनाएको छ ।
