धरान: सशस्त्र प्रहरीको गस्ती टोलीले सुनसरीको बराहक्षेत्र नगरपालिका २ स्थित सप्तकोशी नदी नजिकबाट भरुवा बन्दुकसहित एक युवा पक्राउ गरेको छ ।

आज(बिहिबार) दिउँसो अढाई तिर उदयपुरको बेलका नगरपालिका ९ का २२ बर्षीय सुमन राई भरुवा बन्दुकसहित पक्राउ गरेका हुन् । सशस्त्र प्रहरीको सुरक्षा बेस क्याम्प चतराका सशस्त्र प्रहरी निरीक्षक जसबहादुर राईको कमाण्डमा खटिएको टोलीले उनलाई पक्राउ गरेको हो । बन्दुकसहित फेला परेका राईलाई आवश्यक कारबाहीको लागि ईलाका प्रहरी कार्यालय चतरालाई बुझाइएको सशस्त्र प्रहरीले जनाएको छ ।