_1704867435.jpeg)
झापा: झापाको दमक नगरपालिका ५ स्थित गोर्खा डिपार्टमेन्ट नजिक राजमार्गमा भएको दुर्घटनामा एक जनाको मृत्यु भएको छ ।
गए राती सवा ९ बजे मोटरसाईकल र स्कुटी एकापसमा ठक्कर खादा स्कुटी चालक ५० बर्षीय इन्द्र भुजेलको मृत्यु भएको हो । प्रदेश १-०१-१३ प ८७६६ नम्बरको मोटरसाईकल र बिपरीत दिशाबाट आउदै गरेको मे-९ प ६२१९ नम्बरको स्कुटी ठोक्किदा उनी गम्भीर घाइते भएका थिए । घाइते भुजेलको लाईफ लाईन दमक अस्पताल उपचार लैजादै गर्दा बाटोमा नै मृत्यु भएको प्रहरीले जनाएको छ ।
मोटरसाईकल चालक २६ बर्षीय संजोक सुन्दास पनि घाईते छन् । उनको बिएण्डबि अस्पताल बिर्तामोडमा उपचार भईरहेको ईलाका प्रहरी कार्यालय दमकले जनाएको छ । दुर्घटना भएका दुवै सवारी साधन प्रहरीको नियन्त्रणमा रहेको सो कार्यालयले जनाएको छ ।
