_1704867435.jpeg)
झापा: झापामा आज दिउँसो भएको सडक दुर्घटनाबाट दुई जनाको मृत्यु भएको छ ।
कमल गाउँपालिका १ बालुबारीस्थित क्याम्पा सरङपाडामा पौने १० बजे ना १ त ६१६५ नम्बरको ट्रिपरले बिपरीत दिशाबाट आउदै गरेको मे ३ प ३७४७ नम्बरको मोटरसाईकललाई ठक्कर दिदा एक जनाको मृत्यु भएको छ । प्रहरीका अनुसार मोटरसाईकल चालक शिवसाताक्षी नगरपालिका ४ का २७ बर्षीय सरोज कार्कीको घटनास्थलमै मृत्यु भएको छ । प्रहरीले ट्रिपर र चालक चित्र कार्कीलाई नियन्त्रणमा लिएको जनाएको छ ।
त्यस्तै, झापा बाह्रदशी गाउँपालिका ५ कनकन मार्गमा आज साँढे १ बजे मे ११ प ८४५१ नम्बरको स्कुटी आफै अनियन्त्रित भई दुर्घटना हुदाँ एक महिलाको मृत्यु भएको छ । प्रहरकिा अनुसार स्कुटी चालक स्थानीय ४३ बर्षीया कलसावती राजबंशी घाइते भएकी थिइन् । उनको उपचारको क्रममा बि एण्ड सि अस्पतालमा सवा २ बजे मृत्यु भएको जिल्ला प्रहरी कार्यालय झापाले जनाएको छ ।
