झापा: झापाको बुद्धशान्ति गाउँपालिका ४ बर्नेस्थित राजमार्गमा भारतबाट अबैध रुपमा ल्याएको भारतीय मदिरा प्रहरीले बरामद गरेको छ । 

सोमबार राती ११ बजे ईलाका प्रहरी कार्यालय बुधबारेबाट खटिएको प्रहरी टोलीले मे १ ज ३३५१ नम्बरको भेन नियन्त्रणमा लिएर चेकजाँच गर्दा मदिरा वरामद गरेको हो । प्रहरीका अनुसार सिटमुनी लुकाई राखेको भारतिय मदिरा SIKKIM GOLDEN नामक ८४ बोतल र फायरबल ११ बोतल फेला परेको थियो । प्रहरीले बरामद गरिएको मदिरा, भेन र भेन चालक ईलाम सुर्योद्धय २ का २८ बर्षीय प्रकाश खड्कालाई आवश्यक कारबाहीका लागी आन्तरिक राजश्‍व कार्यालय चन्द्रगढी झापामा बुझाएको जिल्ला प्रहरी कार्यालय झापाले जनाएको छ ।