उदयपुर: उदयपुरको चौदण्डीगढी नगरपालिका ४ मा शनिवार राती ट्याक्टरले किचेर १ जनाको मृत्यु भएको छ ।

शनिवार राती पौने १० बजेको समयमा स्वर्गीय मदन भण्डारी स्मृति लोकमार्गमा पुर्वबाट पश्चिमतर्फ आउदै गरेको बेला ट्याक्टरबाट खस्दा चौदण्डीगढी नगरपालिका २ का २८ बर्षीय रुपेश लामगादेलाई सोही ट्याक्टरले किचेर मृत्यु भएको हो । स १ त ७६२० नम्बरको ट्याक्टरमा सवार लामगादे अचानक ट्याक्टरबाट खसेका थिए । उनलाई उक्त ट्याक्टरको पछाडिको टायरले किचेर घाईते भएपछि बेल्टार अस्पताल लैजाने क्रममा बाटोमा नै मृत्यु भएको ईलाका प्रहरी कार्यालय बेल्टारले जनाएको छ । घटनाबारे प्रहरीले थप अनुसन्धान गरिरहेको छ ।