_1704867435.jpeg)
झापा: बिर्तामोड नगरपालिका ६ बुट्टाबारीस्थित पुर्व(पश्चिम राजमार्गमा आज बिहान ७ बजे भएको सवारी दुर्घटनामा एक जनाको मृत्यु भएको छ ।
उक्त दुर्घटनामा मोटरसाईकल चालक अर्जुनधारा ५ बैसाबारी का ३८ बर्षीय रामकान्त चौधरीको मृत्यु भएको हो । पुर्वतर्फ जादै गरेको मे १ ख २६२७ नम्बरको बसलाई सोही दिशाबाट जादै गरेको मे ४ प ६७४८ नम्बरको मोटरसाईकलले ओभर ट्याक गर्ने क्रममा बसमा ठोक्किएपछि अनियन्त्रित भएको थियो ।
मोटरसाईकल अनियन्त्रित भएपछि बिपरीत दिशाबाट आउदै गरेको ना ४ ख ७२८९ नम्बरको ट्रकले ठक्कर दिएपछि चौधरी घाइते भएका थिए । घाइते चौधरीलाई उपचारको लागी बिएण्डसि अस्पताल बिर्तामोड पुर्याउन साथ मृत्यु भएको प्रहरीले जनाएको छ । प्रहरीले ट्रक, ट्रक चालक ईलाम देउमाई ६ रक्सेका ४२ बर्षीय निमा शेर्पा र बस, बस चालक मोरङ उर्लाबारी ४ का ३० बर्षीय खड्क बहादुर भुजेललाई नियन्त्रणमा लिएको ईलाका प्रहरी कार्यालय अनारमनीले जनाएको छ ।
