धरान: धरान ८ का ५५ बर्षीय नौसद मियालाई प्रहरीले एक लाख भन्दा बढी भारतीय नोटसहित पक्राउ गरेको छ । 

मियालाई हिजो शनिबार साँझ करिब ५ बजे विराटनगर महानगरपालिका वडा नं १७ मटेरुवास्थित अस्थायी प्रहरी चौकीले पक्राउ गरेको हो । उनलाई चेकजाँचको क्रममा भारतीय नोट ५०० दरका २ सय ६ थान गरि कुल १ लाख ३ हजार रुपैया वरामद भएको प्रहरीले जनाएको छ । मियालाई नियन्त्रणमा लिएर ईलाका प्रहरी कार्यालय रानीमा पुर्याएर थप अनुसन्धान कार्य भई रहेको उक्त कार्यालयले जनाएको छ ।