धरान: धरानको भानुचोकस्थित एक चिया पसलका सञ्चालक लागुऔषधसहित पक्राउ परेका छन् । 

धरान १६ का २३ बर्षीय निखिल जोशी लागुऔषधसहित आइतबार साँझ पक्राउ परेका हुन् । उनले धरान २ भानुचौकमा चिया पसल गर्छन् । सोही पसलबाट लागूऔषध समेत बिक्री बितरण गर्ने गरेको सुचना प्रहरीले पाएको थियो । उनलाई वडा प्रहरी कार्यालय धरानको टोलीले चिया पसलबाटै पक्राउ गरेको हो । उनको साथबाट स्पास्मो प्रोक्सिभन आर प्लस ६०० ट्याब्लेट बरामद गरेको पनि प्रहरीले जनाएको छ । जोशीबारे थप अनुसन्धान भईरहेको ईलाका प्रहरी कार्यालय धरानले जनाएको छ ।