सोलुखुम्बु: सोलुखुम्बुको थुलुङ दुधकोशी गाउँपालिका ७ का ६३ बर्षीय बिर बहादुर राईको कुटपिटबाट मृत्यु भएको छ । 

बैशाख १० गते राती १० बजे स्थानीय ४६ बर्षीय शन्तुराज राई र बिर बहादुरबीच सामान्य घरायसी बिषयमा विवाद भई झगडा भएको थियो । त्यसक्रममा शन्तुराजले वीर बहादुरलाई कुटपिट गरेर घाईते बनाएका थिए । घाईतेलाई उपचारको लागी बाँसवारी न्युरो अस्पताल काठमाण्डौ लगिएको थियो । उनको उपचारको क्रममा १६ गते बेलुका मृत्यु भए पछि कुटपिटमा संग्लग्न रहेका शन्तुराजलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय सोलुखुम्बुले जनाएको छ ।