_1704867435.jpeg)
सोलुखुम्बु: सोलुखुम्बुको सोताङ गाउँपालिका १ बाट ३ थान भरुवा बन्दुकसहित एक जनालाई प्रहरीले पक्राउ गरेको छ ।
हिजो शनिवार बेलुका ७ बजे पावै सामुदायिक जंगलबाट ३ थान भरुवा बन्दुकसहित स्थानीय ३४ बर्षीय दिल बहादुर भनिने गंगा बहादुर गिरीलाई प्रहरीले पक्राउ गरेको हो । जंगलमा शिकार खेल्न गएको सूचना पाएसँगै प्रहरी चौकी वाकुबाट प्रहरी टोली खटिएको थियो ।
प्रहरी टोलीले ३ थान भरुवा बन्दुक, बन्दुकमा प्रयोग हुने बारुद करिब ८०० ग्राम, फलामको टुक्रा १ केजी, टर्च लाईटमा प्रयोग हुने ब्याट्रि ७ थान, लाईटर १ थान , केप १ थान, मोबाईल २ थान र १० मिटर तारसहित गिरीलाई पक्राउ गरेको हो । उक्त घटनामा अन्य ४ जनाको समेत संग्लग्नता रहेकोले खोजतलास कार्य भईरहेको जिल्ला प्रहरी कार्यालय सोलुखुम्बुले जनाएको छ ।
