धरान: सोमबार साँझ धरानमा ८९ जना कोरोना संक्रमित थपिएका छन् । 

पिसिआर परीक्षण गरिएकाहरुमा ८९ जना थपिएसँगै सक्रिय संक्रमितको संख्या पनि ५ सय नजिक पुगेको छ । धरान उपमहानगरपालिकाको स्वास्थ्य महाशाखा प्रमुख उमेश मेहताका अनुसार सक्रिय संक्रमितको संख्या धरानमा ४८९ जना छन् । 

कोभिड महामारीको दोस्रो लहर शुरु भएपछि बैशाख १ गते पछि मात्रै धरानमा ६७३ जनामा कोरोना संक्रमण पुष्टि भइसकेको छ । ती मध्ये १७६ जना कोरोनामुक्त भइसकेका छन् भने ८ जनाको मृत्यु भइसकेको छ । सक्रिय संक्रमितमध्ये ६ जना हस्पिटलमा आइसोलेसनमा छन् भने ४८३ जना होम आइसोलेसनमा रहेको पनि मेहताले जानकारी दिए ।