झापा: झापा जिल्लाको झापा गाँउपालिका २ बाट ब्राउनसुगर सहित तिन जना पक्राउ परेका छन् । 

पक्राउ पर्नेमा झापा गाँउपालिका २ का २२ बर्षीय रोशन भुजेल, २१ बर्षीय साजन लिम्बु र ताप्लेजुङ सिरिजंङ्गा १ का १९ बर्षीय प्रताप लिम्बु रहेका छन् । पैदल हिडिरहेका उनीहरुलाई हिजो राती साढे ८ बजे ईलाका प्रहरी कार्यालय कुमरखोदबाट खटिएको प्रहरी टोलीले पक्राउ गरेको हो ।

उनीहरुलाई नियन्त्रणमा लिई चेकजाँच गर्दा ५३० मिलिग्राम ब्राउनसुगर, ब्राउनसुगर नाप्ने डिजिटल तराजु २ थान र नगद ५९ हजार समेत फेला पारी बरामद गरेको प्रहरीले जनाएको छ । परेका तिनै जना उपर जिल्ला प्रहरी कार्यालय झापाबाट थप अनुसन्धान तथा कानुनी कारबाही अगाडी बढाईएको छ ।