झापा: झापाको मेचिनगर नगरपालिका ९ का ४५ बर्षीय श्याम राईको जंगली हात्तीको आक्रमणबाट मृत्यु भएको छ । 

गए राती साढे १२ बजे मागुरमाणी सामुदायिक वनबाट आएको जंगली हात्ती गाउँमा पसेको थियो । उक्त हात्तीलाई खेदाउने क्रममा राईलाई आक्रमण गरेर घाईते बनाएको थियो । घाईतेको मेची अस्पताल भद्रपुरमा उपचारको क्रममा उनको राती सँवा २ बजे मृत्यु भएको प्रहरीले जनाएको छ । हात्तीलाई प्रहरी र स्थानियबासीको सहयोगमा जंगलतर्फ लखेटिएको छ ।