_1704867435.jpeg)
झापा: झापाको मेचीनगर नगरपालिका ५ का ४० बर्षीय भिमराज लिम्बुको हत्या गरी फरार रहेका एक अभियुक्त पक्राउ परेका छन् ।
प्रहरीका अनुसार हत्या अभियुक्त स्थानीय ५६ बर्षीय सुकराज लिम्बु पक्राउ परेका छन् । हिजो बुधबार राती पौने ९ बजे मेचीनगर नगरपालिका ५ ईटाभट्टा अधेरी टोलस्थित ग्राबेल बाटोको छेउमा घाँटीमा कपडाको क्र्याक ब्यान्डेजले बाँधिएको र मुखबाट रगत आइरहेको अवस्थामा भिमराज मृत फेला परेका थिए ।
ईलाका प्रहरी कार्यालय काकडभिट्टाको टोली तत्काल घटनास्थलमा पुगेको थियो । उनको हत्या भएको पुष्टी भएपछि फरार रहेका सुकराज खोजी गरि पक्राउ गर्न सफल भएको हो । पक्राउ परेका सुकराजले आपसी झगडा हुदाँ खुट्टामा बाध्ने क्र्याक ब्यान्डेजले मृतकको घाँटीमा बाधेर हत्या गरेको स्वीकार गरेका छन् । घटनाबारे थप अनुसन्धान तथा कानुनी कारबाही भईरहेको झापा प्रहरीले जनाएको छ ।
