पथरी: मोरङको पथरीबाट ब्राउन सुगरसहित २ जना पक्राउ परेका छन् । 

ईलाका प्रहरी कार्यालय पथरीको टोलीले गए राती साढे ७ बजे पथरी शनिश्चरे १ का ३५ बर्षीय नारायण परियार र ३२ बर्षीय कृष्ण दर्नाललाई पक्राउ गरेको हो । गोप्य सुचनाको आधारमा खटिएको टोलीले नारायणको घरमा १३ ग्राम ८ सय मिलिग्राम ब्राउन सुगर र तौल गर्ने मेशिनसहित दुवैलाई पक्राउ गरेको मोरङ प्रहरी प्रवक्ता एवं डिएसपी मानबहादुर राईले जानकारी दिए ।