मोरङ: मोरङको सुन्दरहरैचा नगरपालिका ३ गछियाबाट खसी चोरी गरेर लैजादै गरेको एक व्यक्ति पक्राउ परेका छन् । 

हिजो शुक्रबार करिब १ बजे गछियाका जीवन खड्काको बाख्रा खोरबाट करिब ३० केजीको सेतो र १८ केजीको कालो पेटारे रंगको खसी चोरी भएको थियो । घटनाबारे ईलाका प्रहरी कार्यालय बेलबारीको टोलीले खोजी गर्दा सुन्दर हरैचा ७ का २७ बर्षीय डम्बर कटुवाल दुई खसी डोर्याउदै गरेको अवस्थामा पक्राउ परेका थिए । उनलाई प्रहरीले करिब २ बजे सुन्दर हरैचा ८ कृष्ण पेट्रोल पम्प उत्तरको बाटोबाट खसीसहित नियन्त्रणमा लिएको थियो । प्रहरीले उनलाई चोरी कसुरमा थप अनुसन्धान गरिरहेको जनाएको छ ।