खोटाङ: खोटाङको हलेसी तुवाचुङ नगरपालिका १० पामेमा रुखबाट लडेर एक जनाको मृत्यु भएको छ । 

प्रहरीका अनुसार स्थानीय ४९ बर्षीय तुल बहादुर मगरको रुखबाट लडेर मृत्यु भएको हो । आज बिहान ६ बजे घर नजिकै जङगलमा भलायको रुखमा राखेको खरको घाँस निकाल्ने क्रममा मगर रुखबाट लडेका थिए । घटनास्थलमा प्रहरी चौकी अर्खौले र ईलाका प्रहरी कार्यालय हलेसीबाट प्रहरी टोली खटि गई थप अनुसन्धान भइरहेको प्रहरीले जनाएको छ ।